Yaponiyada ilk bor yashash: ishlatilgan mebel va maishiy texnikani topish bo‘yicha qo‘llanma

Yaponiyada kvartira ijaraga olinganda, ko‘plab uylar mebel va maishiy texnika bilan ta’minlanmagan bo‘lishi odatiy hol. Mebelli kvartiralar ham mavjud, biroq ularning ijara puli odatda qimmatroq bo‘ladi. Shuning uchun ko‘plab chet elliklar mebel va maishiy texnikani o‘zlari xarid qilishadi. Biroq hamma narsani yangidan sotib olish katta xarajat talab qilgani sababli, qisqa muddatda vataniga qaytishni rejalashtirgan chet elliklar orasida ishlatilgan buyumlarni xarid qilishning o‘zi keng tarqalgan. Ushbu maqolada ishlatilgan mebel, maishiy texnika va boshqa buyumlarni qo‘lga kiritishning asosiy usullari tanishtiramiz.

1. Qayta ishlash do‘konlari (Recycle shop)

Recycle shoplar ishlatilgan mebel va maishiy texnikani nisbatan arzon narxlarda xarid qilish mumkin bo‘lgan qulay joylardir. Tovarlarning holati do‘kondan do‘konga farq qilishi mumkin, biroq ko‘p hollarda ular yaxshi tozalanadi, ishlashi tekshiriladi va darhol foydalanish mumkin bo‘lgan holatda bo‘ladi.
Ayniqsa mashhur bo‘lgan yirik tarmoqlar quyidagilardir.

Second Street
Bu tarmoq butun Yaponiya bo‘ylab faoliyat yuritadi va mebel hamda maishiy texnikadan tashqari, kiyim-kechak va kundalik turmushda foydalaniladigan buyumlari ham juda boy tanlovda mavjud. Shaharlarda filiallari ko‘p bo‘lgani uchun bemalol kirib chiqish mumkin bo‘lgan qulay do‘konlardan biridir.

Hard Off / Off House
Hard Off — asosan maishiy texnika va musiqa asboblarini, Off House esa mebel va kundalik turmush buyumlarini sotadigan bir xil tarmoqqa mansub do‘konlardir. Har ikkala do‘konda ham ishlatilgan mahsulotlar sifat nazoratidan yaxshi o‘tkaziladi, hatto ba’zi tovarlar kafolat bilan sotiladi, bu esa xaridorlar uchun yanada ishonchli bo‘lishini ta’minlaydi.

Bundan tashqari, har bir hududda o‘ziga xos mahalliy recycle shoplar ham mavjud. Google xarita yoki qidiruv tizimlarida [hudud nomi + recycle shop] yoki [hudud nomi + ishlatilgan mebel] deb qidirsangiz, yaqin atrofdagi do‘konlarni oson topishingiz mumkin.

2. SNS va mahalliy hamjamiyatlar

So‘nggi yillarda SNS yoki internetdagi e’lonlar orqali keraksiz bo‘lib qolgan mebel yoki maishiy texnikani berishni istaganlar bilan, ularga ehtiyoji bor odamlarning to‘g‘ridan-to‘g‘ri bog‘lanish holatlari ko‘paydi. Yaponiyada katta hajmdagi chiqindilarni tashlash uchun maxsus to‘lov stikerini sotib olish talab qilinadi. Shu sababli ko‘p odamlar ishlatilgan buyumlarni bepul berish yoki juda arzon narxda sotish amaliyotini amalga oshiradi.

Facebook guruhlari
Facebookda ishlatilgan buyumlarni sotish yoki tekin berish maqsadida ochilgan guruhlar mavjud. O‘zingiz yashayotgan hudud nomi bilan [hudud nomi + second hand Facebook] yoki [hudud nomi + sayonara sale Facebook] kabi kalit so‘zlarni qidiruvga kiritsangiz, mos guruhlarni topishingiz mumkin.

Masalan, Nagoya shahri va uning atrofida yashayotganlar quyidagi guruhlardan foydalanishlari mumkin.
①Mercari (Merukari)

Bu Yaponiya bo‘yicha eng yirik onlayn bozor ilovalaridan biri bo‘lib, mebel va maishiy texnika ham juda ko‘p miqdorda chiqariladi. Asosan shaxslar o‘rtasidagi savdo bo‘lsa-da, narxlar nisbatan arzon bo‘ladi va ba’zan juda yaxshi buyumlarni topish ham mumkin. Katta hajmdagi mebellar uchun “Tano-Meru-bin” kabi yetkazib berish xizmatlari mavjud bo‘lib, ko‘chib kelayotgan yoki qisqa muddatga yashayotgan chet elliklar uchun ham juda qulaydir.

②Jimoti (ジモティー)

Bu Yaponiyada bepul tarzda buyum almashish yoki tekin berish mumkin bo‘lgan e’lonlar sayti hisoblanadi. . Bu ilovaning asosiy qulayliklaridan biridir, hududni ko‘rsatgan holda qidirish mumkin va ko‘pincha borib olib kelish mumkin bo‘lgan yaqin masofadagi buyumlar topiladi.

Shodiyorova Ro’zigul