JCP haqida ma'lumot

JAPAN CAREER PORTAL

Yaponiyada ishlash niyyatida bo'lgan O'zbekiston fuqorolari uchun yaxlit platforma vazifasini bajaradi. Portalda "Yaponiyaga borishdan oldin", "Yaponiyada ishlash", "Yaponiyada O'qish", "Yaponiya hayoti", "O'rganamiz", "Yaponiya tajribasi", ”Yaponiyadan qaytish" bo'limlari mavjud bo’lib Yaponiyaga borishdan oldingi bosqichlardan boshlab, O’zbekistonga qaytgancha bo’lgan jarayonni qamrab olgan. "Yaponiyaga borishdan oldin"- Yaponiya davlati haqida asosiy ma'lumotlar, Yapon madaniyati, urf odatlari, Yaponiyaga borish viza turlari va farqlari haqida Yaponiyaga borishdan oldin har bir kishi bilib qo'yishi kerak bo'lgan ma'lumotlar joylashtirilgan. "Yaponiyada ishlash"- Qanday viza turlari bilan Yaponiyada ishlash mumkin, har kim o'ziga mos ish vizasini tanlashi uchun vizalar turlarini taqqoslash, yapon ish madaniyati, ish beruvchi va ishchi haq-huquqlari haqida batafsil ma'lumotlar. "Yaponiyada o'qish"- Yaponiyada o'qish yo'llari shu jumladan yapon tili maktabi, universitetlar, kollejlar, stipendiyalar, soatbay ish, universitetni tugatgandan keyingi ish qidirish jarayonlari haqida ma'lumot beriladi. "Yaponiya hayoti"- Yaponiyada kundalik hayot uchun kerak bo'ladigan ma'lumotlar, jamoat transportidan foydalanish qonun-qoidalari, uy-kvartira, soliqlar va davlat yig'imlari haqida ma'lumot beriladi. "O'rganamiz"- Yapon tili, Maxsus Malaka testidan o'tish uchun kerakli bo'lgan qo'llanmalar, Yaponiyada ishlash uchun kerak bo'ladigan boshqa ko'nikmalar taqdim etiladi. "Yaponiya tajribasi"- Yaponiyada tajriba orttirgan vatandoshlarimiz haqida, ular bosib o'tgan karyera yo'li, qiyinchiliklar, erishilgan muvoffaqiyatlar haqida ma'lumot berib boriladi. ”Yaponiyadan qaytish"- Bir necha yil Yaponiyada ishlab tajriba olgan vatandoshlarimiz O’zbekistonga qaytib, Yaponiyada olgan bilim va tarjibalarini O’zbekistonda ham ishlatishlari, reintegratsiya jarayonida kerak bo’ladigan ma’lumotlar taqdim etiladi.