Favqulotda vaziyatlarda va tabiiy ofatlarda xavfsizlik choralari

Kasallik yoki halokat! Favqulodda SOS holatida nima qilish kerakligi haqida tashvishlanishingiz mumkin. Ushbu maqolada favqulodda holat yoki falokat sodir bo‘lganda aloqa ma’lumotlarini va ko‘riladigan choralar haqida tanishtiramiz.

Favqulodda holatda aloqa raqamlari (telefon)

●To‘satdan kasallikka chalinish / katta jarohat olgan vaqtda → 119 raqamini tering.

To‘satdan kasallikka chalinish, og‘ir jarohat yoki yong‘in sodir bo‘lgan taqdirda, 119 (o‘t o‘chirish bo‘limi) raqamiga qo‘ng‘iroq qiling va quyidagilar haqida xabar bering (bepul):

Tez yordam mashinasi qayerga kelishi kerakli haqida ma’lumot va belgi.
Ahvoli yomon bemor kishining alomatlari va yoshi.
Ismingiz va aloqa ma’lumotlaringiz.

●Yong‘in → 119

●Yo’l-transport hodisalari / jinoyatlari → 110

Yo'l transport hodisasi sodir bo'lgan taqdirda

Birinchi navbatda, mashina boshqarishni to‘xtating.
Tez yordam hamda politsiyaga xabar bering.

Agar kimdir jarohat olgan bo‘lsa, 119 raqamiga qo‘ng‘iroq qiling (Tez yordam).
Tez yordam kelguncha shikast yetgan odam ehtiyojsiz qimirlatmang, 119 raqami operatorining ko‘rsatmalariga amal qiling va birinchi tibbiy yordam ko‘rsating.
Jarohat olgan odam bo‘lsa ham bo‘lmasa ham politsiya (110)ga xabar bering.
Politsiya kelguniga qadar voqea joyini tark etmang.
Politsiya xodimi kelganida, baxtsiz hodisa va vaziyat haqida xabar bering.

Shifokor ko’rigidan o’tish.
Baxtsiz hodisa yuz berganda jarohati yengil ko‘ringani bilan keyinchalik o’g’ir jarohatlarga aylanishi mumkinligi uchun shifokor nazoratidan o‘tib qo‘ygan ma’qul.
Yo‘l-transport hodisasi ma’lumotnomasi.
Ba’zi hollarda baxtsiz hodisadan keyin turli xizmatlar va yordam olish uchun “Yo‘l-transport hodisasi ma’lumotnomasi” (koutsuu jiko shoumeisho) talab qilinishi mumkin. Politsiya bo‘limiga borib, ariza berish jarayoni haqida so‘rang.

To‘fon yoki kuchli yomg‘ir paytida

Yaponiyada kuchli yomg‘ir tufayli ko‘plab tabiiy ofatlar sodir bo‘lib turadi. Daryolar suvi toshib, binolar suv ostida qolishi holatlari mavjud. Yomg‘ir yer bo‘shashib ketishi, tog‘lar va qoyalarning qulashi hamda ko‘chkilarning oqishiga ham olib kelishi mumkin.

Suv toshqinlari va ko‘chkilardan hayotni himoya qilish uchun quyidagilarga e’tibor beramiz:

Suv bosishi xavfi bo‘lgan joylarni oldindan xavfsizlik xaritasidan (Hazard map) aniqlab oling.
Agar kuchli yomg‘ir yog‘sa, Yaponiya meteorologiya agentligi maʼlumotlari hamda shahar, tuman, qishlogʻingizdagi evakuatsiya maʼlumotlari asosida tezda xavfsiz joylarga ko‘chib o‘ting.

Xavfsizlik xaritasi portali (faqat yapon tilida) | Yer, infratuzilma, transport va turizm vazirligi

Agar zilzila sodir bo‘lsa nimalarga e’tibor qilishimiz kerak?

Yaponiya zilzilalar ko‘p sodir bo‘ladigan mamlakat. Hayotingizni zilzila vaqtidagi halokatlardandan himoya qilish uchun quyidagi ehtiyot choralarini ko‘ring:

Tayyorgarlik

Zilzila sodir bo‘lganda, qayerga evakuatsiya qilish mumkinligini aniqlash;
Tabiiy ofatlar vaqtida o‘zingizni himoya qilish va xavfni oldini olish bo‘yicha mashg‘ulotlarda qatnashish;
Uch kun yoki undan ko‘proq vaqtga yetarli miqdorda oziq-ovqat, ichimlik suvi va kundalik hayot uchun zarur buyumlarni tayyorlash;
Uy jihozlarini qulab tushishini oldini olish maqasadida devorga mahkamlab qo‘yish.

Zilzila sodir bo‘lsa

Xotirjam harakat qiling - stol ostiga yashirining (xona ichida). E’lonlar (peshtaxtalar), devorlar, derazalar va hokazolarga qulashidan ehtiyot bo‘lgan holda, xavfsiz joyga borib olishga harakat qiling (tashqariga). Mashinani to‘xtatib, matorni o‘chiring (mashinada).
Yong‘inni o‘chirish - yer silkinishi to‘xtagach, oshxona yoki pechkadagi olovni o‘chiring. Agar olov chiqqan bo‘lsa o‘t o‘chirgich asbobdan foydalanib olovni o‘chiring. Gaz plitalarini yoqmang, chunki sizib chiqayotgan gaz bo‘lishi ehtimoli borligi uchun yong‘in xavfi tug‘ilishi mumkin.
Xavfsiz joyga evakuatsiya qiling.
To‘g‘ri va aniq ma’lumotlarni oling.

Tsunami

O‘zingizni tsunamidan himoya qilish uchun Hazard xaritalari orqali xavfsiz evakuatsiya joylarini oldindan aniqlab qo‘ying.

Xavfsizlik xaritasi portal sayti | Yaponiya Transport va Infratuzilma Vazirligi

Tsunami sodir bo‘lish ehtimoli vujudga kelgan paytda

Tsunamini ko‘z bilan ko‘rib, keyin qochish chorasini ko‘rganingiz bilan ulgurmaysiz. Agar dengiz yoki daryo yaqinida bo‘lsangiz, quyidagi amallarni bajaring:

Kuchli zilzilani his qilgan vaqtingizda yoki kuchsiz silkinish bilan uzoq davom etgan zizilani his qilgan vaqtingizda → baland joylar va evakuatsiya binolariga qochib o‘ting.
Zilzilani sezmasangiz ham, Yaponiya meteorologiya agentligi tsunami haqida ogohlantirish berganida → xavfsiz joylarga borib oling.
To‘g‘ri va aniq ma’lumotlarni qo‘lga kiriting.