【Brokerlarga aldanmang!!】Ishlash maqsadida bo'lganlar uchun, qochqinlik maqomini olish uchun ariza topshirgan davrda ishlash mumkin emas!

So'nggi yillarda Yaponiyada ishlash uchun turistik viza (qisqa muddatli rezidentlik statusi) bilan kirib, keyin qochqinlik maqomini olish uchun ariza topshirayotgan xorijliklar soni ortib borayotganli sababli, Yaponiyaning Immigratsiya boshqarmasi bir necha yil avvaldan chora-tadbirlarni kuchaytirdi. Qochqinlik maqomini olish uchun ariza topshirayotgan xorijliklar orasida o'zbekistonliklar ham ma'lum bir qismini tashkil qiladi (2023-yil dekabr holatiga 473 nafar). Qochqinlik maqomini olish tizimi vatandagi ta'qibdan qochib kelgan qochqinlarning Yaponiyada himoya olishlari uchun mo'ljallangan. Agar siz hukumatga qarshi faoliyat bilan shug'ullangan bo'lsangiz va O'zbekiston hukumati tomonidan ta'qib qilinishingiz mumkin bo'lsa, boshqa masala. Ammo ishlash maqsadida Yaponiyaga kelgan bo'lsangiz, qochqinlik maqomini olish uchun ariza berish to’g’ri emas.

Odamlar brokerlardan “qochqinlik maqomini olish uchun ariza bersangiz, ishlashingiz mumkin” degan gaplarni eshitib, ariza topshirishadi. Ammo agar brokerlarga pul to'lasangiz ham, bu pulni bekorga sarflagan bo'lasiz. Brokerlarning gaplariga aslo ishonmang.

Agar Immigratsiya boshqarmasi sizni haqiqiy qochqin deb hisoblasa, qochqinlik maqomini olish uchun ariza topshirganingizda ham ishlashga ruxsat beruvchi yashash maqomini olishingiz mumkin. Ammo aniq qochqin bo'lmaganlar uchun, qochqinlik jarayonida ham, Yaponiyada yashash va ishlash ruxsat berilmaydi. Agar ruxsatisiz ishlasangiz, bu noqonuniy ish hisoblanadi. Noqonuniy ishchilar deportatsiya qilinishi mumkin va ishchi sifatida mavqei ham barqaror bo'lmaydi. Agar ishlash maqsadida Yaponiyaga kelgan odamlar qochqinlik maqomini olish uchun ariza bersalar, bu haqiqatan ham muhtoj bo'lgan, Afg'oniston yoki Suriya kabi joylardan jon saqlab qochgan odamlarning ariza jarayonini kechiktiradi. Shuning uchun, o'zboshimchalik bilan qochqinlik maqomini olish uchun ariza bermang.