Bir kishi haqidagi taassurot, butun millat haqidagi taassurotga ta'sir qiladi

Lazizbek Bahodirjonov

2018-2020: Noriko Gakkyu yapon tili maktabi (Farg’ona)

2020-2021: Yapon tilini koronavirus pandemiyasi sababli mustaqil o‘qigan

2021-2022: “MIRAI RECRUITMENT AGENCY XUSUSIY BANDLIK AGENTLIGI”da yapon tilini o’rgangan

2022- Yaponiyaga kelish →1 oylik o‘quv kursi→kasbiy malaka amaliyoti (Hokkaydo, Sapporo shahri)
(2001-yil , Farg‘ona viloyatida tug‘ilgan)

Yaponiyada ishlashga turtki

Men o‘zi avvaldan Yapon madaniyatini yoqtirar edim. Otam sababli Noriko maktabida yapon tili o‘rganishni boshlab, Yaponiyaga qiziqishim yanada ortdi. 2019-yil O‘zbekiston davlat jahon tillari universitetiga imtihon topshirib, o‘qishga kira olmadim. Shundan so‘ng, Yaponiyada ish tajribasini to‘plash imkonini beruvchi kasbiy malaka amaliyoti (stajor) haqida bilib qoldim va Yaponiyada ishlash yo‘lini tanladim.

Kasbiy malaka amaliyotchisi (Stajor) bo‘lishgacha bo‘lgan bosqich

Ishga olinganlar ichida bir kishi shaxsiy sabablari bilan Yaponiyaga boraolmaydigan bo‘lgandi va men yapon tilini bilganim uchun o‘sha kishining o‘rniga meni tavsiya qilishdi.
Yaponiyaga kelayotgan paytimda yapon tili  JLPT N3 darajada edi.
Xususiy bandlik agentligiga to‘langan jami xarajat 1500$ ni tashkil etib, aviachipta esa Yaponiya tomonidan qoplandi.
Ishga taklif olishdan boshlab Yaponiyaga kirishgacha taxminan 6 oy vaqt ketdi.

Meni ishga olgan kompaniyaning birinchi chet ellik kasbiy malaka amaliyotchisi (stajori) bo‘ldim. Qaysidir ma’noda bu kompaniya uchun ham sinov edi. Shu tufayli, men yaxshi taassurot qoldirdim va mendan keyin bir nechta stajor (Vyetnam, Myanma va Kambodjadan) ishga qabul qilishdi.

Ish faoliyati

Men hozir Hokkaido prefekturasining, Sapporo shahridagi ijtimoiy farovonlik muassasasining oshxona bo‘limida ovqat tayyorlash   bilan shug’ullanyapman. Ushbu muassasaning qaramog’ida turuvchilar uchun nonushta, tushlik va kechki ovqatlarni tayyorlaymiz. Ishning tafsilotlari haqida oldindan tushuntirish beriladi va dastlabki bir oy davomida kompaniyada foydalaniladigan yapon tili va ovqat tayyorlash usullari bo‘yicha trening o‘tkazildi. Shundan keyin ham ishxonada tajribali kishi biriktirildi va ishni birinchi bosqichdan boshlab ehtiyotkorlik bilan o‘rgatishdi.

Ish jadvali

Ish rejimi: smena asosida, ertalab soat 5:00 dan kech 8:00 gacha bo‘lgan vaqt davomida kuniga taxminan 8 soat hisoblanadi.
Dam olish kunlari: oyiga 8 kun. Qaysi kuni dam olish bo‘lishi smena jadvaliga ko‘ra belgilanadi.

Ish faoliyati nimalardan iborat

• Qariyalar va nogironlar uchun maxsus menyularni tayyorlash va har bir insonning holatiga mos ravishda to‘g’ri ovqatlanishni ta’minlash. Buning uchun ovqatlarning ozuqaviy qiymatini hisoblash va porsiyalarni aniq o‘lchash ishlarini bajaraman.

• Asosan baliq, tovuq va cho‘chqa go‘shtidan foydalaniladi, lekin men 2-darajali oshpaz bo‘lganim uchun taomlarni bezash va dasturxonga tortish ishlariga mas’ulman.

• Har bir bemorning holatiga qarab maxsus ovqatlar tayyorlash zarurati sababli, taomlarni sinovdan o‘tkazish ishlarini ham tez-tez amalga oshiraman.

O‘qish va imtixonlar

2023-yilning yanvar oyida malaka oshirishning boshlang’ich darajasini muvaffaqiyatli topshirib, 2-darajali stajor darajasiga o‘tdim.
2024-yilning oktyabr oyida 3-darajali stajor imtihonidan muvaffaqiyatli o‘tdim.
Kelasi yilning may oyida imtixonsiz maxsus malaka (ommaviy ovqatlanish sohasi ) darajasiga ko‘tarilaman.
Ish jarayonida yaxshi e’tibor bilan ishlaganim sababli imtihon uchun alohida shug’ullanmadim. Bemorlarga va qariyalarga xizmat qilganim sababli, vitaminlarga va allergiya berishi mumkin bo‘lgan mahsulotlarga va oziq-ovqatning ozuqaviy muvozanatiga e’tibor berish juda muhimdir. Agar kishi kundalik ishni astoydil bajarsa, testlardan bemalol o‘ta oladi.

Daromad va xarajatlar   

Ishdagi yaxshi mehnatim yuqori baholanib, yiliga ikki marta taxminan, 60,000 yen miqdorida bonus oldim. Bundan tashqari, har safar imtihondan muvaffaqiyatli o‘tganimda qo‘shimcha mukofot puli ham   to‘landi.

Yapon kompaniyasida o‘rganganlarim: Vaqtni boshqarish va jamoaviylik !

Yaponiyada ishlab va yashab quyidagi muhim ko‘nikmalarni o‘rgandim.

1. Vaqtni boshqarish
   Kechikmaslik, bu odatiy holat, uning ustiga biroz erta harakat qilish va tayyorlanish muhimligini his qildim. Aslida, Yaponiyaga ishga kelganimdan keyin bir martagina kech qoldim. Men kechikkanim uchun boshqa jamoa a’zolariga og’irligim tushib qoldi va shuning uchun o‘sha kundan beri boshqa kechikmadim.

2. Jamoaviy ishlash
   Bir kishining yetishmasligi butun jamoaga muammo keltirishi mumkin, shuning uchun mas’uliyatni his qilib, boshqa a’zolarni qo‘llab-quvvatlashga harakat qilaman.

3. Minnatdorchilik madaniyati
   Yaponlarda ,,恩返し” (olgan yordamini kelajakda boshqalarga qaytarish) madaniyati mavjud va men o‘z sa’y-harakatlarimni to‘g’ri baholaganliklari uchun minnatdorman.

4. Sog’liqni saqlash
   Oziq-ovqat, dori-darmondan ham muhimroq, chunki nima va qachon yeyish salomatlikni yaxshilash yoki yomonlashtirishga olib kelishi mumkin. Biz oshpazlar guruhimiz, o‘z ishimizni shifokorlar kabi bajaramiz.

Kelajakdagi rejalar va Yaponiyaga kelishni rejalashtirayotgan o‘zbekistonliklarga maslahatlarim

Maxsus malaka (特定技能) vizasiga o‘tganimdan keyin, O‘zbekistonga qaytib, oilam bilan  biroz vaqt o‘tkazishni rejalashtirmoqdaman. Shundan so‘ng, yana Yaponiyada karyeramni davom ettiramanmi yo‘qmi o‘ylanib turibman.

Yaponiyada ishlashni maqsad qilganlarga maslahat

1. Mas’uliyatni his qilish
   Yapon jamiyatida, o‘z harakatlaringiz atrofdagilarga qanday ta’sir qilishini o‘ylash juda muhim.

2. Jamoaviy ishni tushunish
   Yapon kompaniyalari sizni nafaqat individual natijalaringiz emas, balki butun jamoaning natijalariga e'tibor berishadi.

3. Yapon tili qobilyatini oshirish
   Kamida JLPT N3 darajasidagi yapon tili bilimiga ega bo‘lishni maqsad qilish kerak. JLPT N4 darajada esa ish uchun zarur bo‘lgan suhbatlashish qobilyati yetarli emas. Men bu ish joyimda  nafaqat birinchi o‘zbekman, balki birinchi chet ellik ham menman. Meni ko‘rib, butun O‘zbekiston aholisi haqida tasavvur qilishlarini inobatga olgan holda, o‘z vazifalarimni mas’uliyat bilan bajarib kelyapman. Haqiqatdan ham, men ish boshlaganimdan so‘ng bu yerda xorijlik xodimlarni ishga qabul qilish holatlari ko‘paydi.

Yaponiyada ishlashni quyidagi kishilarga tavsiya qilaman:

1. Ayni vaqtda, o‘z kelajak yo‘lini tanlashda qiynalayotganlarga.

2. Yangi bilim va ko‘nikmalarni o‘rganmoqchi bo‘lgan kishilarga.

Barchaga, ish va o‘qishda omad tilayman.