Yaponiyada yashovchi o‘zbekistonliklar o‘rtasida o‘tkazilgan so‘rovnoma

1. Kirish

2022-yilda JICA va EY tomonidan Yaponiyada yashayotgan 368 nafar o‘zbekistonlikdan so‘rovnoma olindi. Ushbu so‘rovnomada Yaponiyaga kelishdan oldingi muammolar, Yaponiyaga kelish xarajatlari, ishdagi muammolar va qiyinchiliklar, Yaponiyada hayot va ish tajribasidan olingan foydalar va kelish maqsadlari haqida ma'lumotlar keltirilgan.

2. Yaponiyaga kelishdan oldingi muammolar

Kelishdan oldingi eng katta muammolardan biri “Yapon tilini tushunmaslik”. Yaponiyaga ketishdan oldin yetarli darajada yapon tilini o'zlashtirmagan odamlar ko'p deb o'ylayman. Ikkinchi o‘rinda “Qarz olishga majbur bo‘lish” muammosi turadi. Yaponiyaga kelish xarajatlari haqida keyingi 3-bo‘limda ko‘proq ma'lumot beriladi.

Ma’lumot manbasi: JICA va EYning tadqiqot hisobotidan olingan. 18-chizma, Yaponiyaga kelishdan oldin o‘zbekistonliklarning duch kelgan muammolari.

3. Yaponiyaga kelish xarajatlari

Ko‘pchilik o‘zbekistonliklar Yaponiyaga kelish uchun 5,000 dollardan ko‘proq pul sarflagan. JASSO tadqiqoti ma’lumotlariga ko‘ra, yapon tili maktabiga kirish uchun birinchi yilda o‘rtacha 680,000 yen kerak bo‘ladi. Shuningdek, Yaponiyada yashash xarajatlari har oyda 100,000 yendan oshadi, lekin talabalar haftasiga faqat 28 soat ishlashlari mumkin. Yaponiyaga borgandan keyin, o‘qish va yashash xarajatlarini qanday qoplash mumkinligini har tomonlama rejalashtirib kelishingiz tavsiya qilinadi.

Ma’lumot manbasi: Yuqoridagi manba, 19-chizma, Yaponiyada yashayotgan o‘zbekistonliklarning kelish xarajatlari.

4. Ishdagi muammolar va qiyinchiliklar

Eng ko‘p uchraydigan javob “Hech qanday muammo yo‘q” bo‘ldi. Biroq, ko‘p odamlar "ish vaqti uzun, ta’til kam" yoki "maosh past" degan noroziliklari bor ekanligi ma’lum bo‘ldi. An’anaviy yapon kompaniyalarida yoshligida maosh kam bo‘lib, o‘rta yoshga yetganda maosh ko‘tarilish tendensiyasi mavjud. Bu ham maosh kamligidan shikoyat qilinishining bir sababi bo‘lishi mumkin.

Ma’lumot manbasi: Yuqoridagi 21-chizma, Yaponiyada yashayotgan o‘zbekistonliklarning hayotidagi muammolar va qiyinchiliklar.

5. Yaponiyada yashayotgan o‘zbekistonliklarning O‘zbekistondagi ish turi va oxirgi o‘quv ma’lumoti

Ko‘pchilik Yaponiyaga kelishdan oldin talaba bo‘lgan. Shuningdek, ularning oxirgi o‘quv ma’lumoti universitet, kasb-hunar maktabi yoki litsey bo‘lgan.

Ma’lumot manbasi: Yuqoridagi 23-chizma, Yaponiyada yashayotgan o‘zbekistonliklarning O‘zbekistondagi ish shakli va oxirgi o‘quv ma’lumoti.

6. Yaponiyada hayot va ish tajribasidan olingan foydalar

Yaponiyada hayot va ish tajribasi orqali eng qimmatli narsa nima ekanligi so‘ralganda, 58% respondentlar "Ish odatlari" deb javob bergan. O‘zbekiston va Yaponiya o‘rtasida ishga bo‘lgan yondashuv va ish usullari katta farq qilgani uchun, Yaponiyada olingan tajriba yuqori baholanishi mumkin.

Ma’lumot manbasi: Yuqoridagi 32-chizmada, Yaponiyada yashayotgan o‘zbekistonliklar hayot va ish tajribasidan eng qadri baland deb topgan narsalar ko‘rsatilgan.

7. Yaponiyaga kelishdan maqsad

Yaponiyaga kelish maqsadlari orasida eng ko‘p qayd etilganlar: “Yaponiyaning ta'lim muhiti juda yaxshi”, “Yaponiyaning yashash sharoiti yuqori darajada” va "Yaponiyaning texnologiyasi, madaniyati va tiliga qiziqish". 

8. Xulosa

Shu bilan so’rovnoma natijalari bilan tanishtiruv yakuniga yetdi. Sizdan ko'ra tajribasi ko'proq bo'lgan kishilarning fikrlari bilan tanishib chiqing.