Yaponiya ta'lim yarmarkasi 2024 Toshkent-Buxoro

2024-yil 5- va 8-noyabr kunlari O'zbekistonda "Yaponiya ta'lim yarmarkasi" o‘tkazildi. Ushbu tadbirda, Yaponiyada ta’lim olishni istovchi o’zbekistonlik talabalar, Yaponiya universitetlari va tegishli ta’lim muassasalarida o’qish va stipendiyaga oid savollariga to’g’ridan to’g’ri javob olish imkoniyatiga ega bo’ldilar.  2012-yildan boshlab davom etayotgan ushbu yarmarka, 2022-yilgacha Nagoya universiteti vakolatxonasi tomonidan tashkil etilgan bo’lib, hozirda esa ushbu vazifani UJC(O’zbekiston-Yaponiya Markazi) o'z zimmasiga olgan.

Bu yilgi yarmarka Toshkent shahridan tashqari, birinchi marotaba Buxoro shahrida ham o'tkazildi. GROW loyihasi a'zolari Vazirlar Mahkamasi huzuridagi Migratsiya agentligi vakillari bilan birgalikda "Japan Career Portal (JCP)" ni yarmarkada namoyish etib, Yaponiyada ta'lim olish va ishlashniistagan yoshlar uchun keng qamrovli ma'lumotlar taqdim etildi.

Toshkentda bo’lib o’tgan tadbir (5-noyabr, 2024-yil)

2024-yil 5-noyabr kuni Toshkent shahrida o'tkazilgan yarmarkada taxminan 800 kishi ishtirok etdi. Ularning orasida, taxminan 250 kishi Japan Career Portal (JCP)ning ko’rgazma stoliga tashrif buyurib, faol ravishda ma'lumot olishdi. Tashrif buyuruvchilarning ko'pchiligi Yaponiyaga katta qiziqish bildirganlar bo’lib, ular yapon tilini ham o'rganayotganliklarini guvohi bo’ldik. Shuningdek, faqat ta'lim olishni emas, balki ishga joylashishni xohlayotgan qatnshachilar soni ham ko'p bo’lib, ular JCP saytida joylashtirilgan ma'lumotlardan foydalangan holda o'z karyeralarini qurish niyatida bo’lganliklari kuzatildi.

Buxoro shahrida o‘tkazilgan tadbir (2024-yil 8-noyabr)

8-noyabrda Buxoroda o‘tkazilgan yarmarkada taxminan 500 kishi ishtirok etdi. JCP uchun tayyorlangan ko’rgazmali stolga esa taxminan 150 kishi tashrif buyurdi. Toshkentdan farqli o‘laroq, Buxoroda Yaponiyada o‘qish va ishlash haqida ma'lumotga ega bo’lganlarning soni kamroq bo‘lganligi aniqlandi. Biroq, tashrif buyurgan yoshlarning ingliz tili darajasi juda yuqori bo’lganligi uchun, ular chet elga o‘qishga juda katta qiziqish bildirayotganini guvohi bo’ldik.

Japan Career Portal-ga yuqori baho berilishi

Japan Career Portal-ning "Ta’lim" bo‘limida, o‘qishga bormoqchi bo‘lganlarga ta'lim muassasalarini tanlash,stipendiyalar haqida ma'lumotlar, uzoq muddatli karyera shakllantirish uchun zarur bo‘lgan ma’lumotlarni tajribali vatandoshlarimiz hayot yo’llari, ish topish bo‘yicha ma'lumotlar ham taqdim etilmoqda. Ushbu keng qamrovli ma'lumot taqdimoti, ko’rgazmali stolga tashrif buyurganlar tomonidan yuqori baholandi. Tashrif buyuruvchilar, kelajakda JCP-dan foydalanishni davom ettirishlari, Yaponiyaga oid keng qamrovli ma'lumotlarga ega bo’lish uchun portaldan foydalanish niyatida ekanlanliklari ta’kidlab o’tildi.