Yaponiyada ta'lim olish uchun grantlar (Davlat grantlari)

1. Kirish

Yaponiyada o‘qishni xohlovchi chet ellik talabalar uchun turli grantlar mavjud. Ushbu maqolada, asosan Yaponiyaning Ta'lim, Madaniyat, Sport, Fan va Texnologiyalar Vazirligi (MEXT) tomonidan beriladigan davlat grantlari haqida ma'lumot beriladi. Talablar va ariza jarayonlari o‘zgarishi mumkin, shuning uchun O‘zbekistondagi Yaponiyaning elchixonasi veb-saytida “MEXT davlat grantlari dasturi” ning eng so‘nggi ma'lumotlarini tekshirish tavsiya etiladi. (O‘zbekistondagi Yaponiya elchixonasi)

2. Davlat Grantlari (MEXT)

2024-yil holatiga ko‘ra, o‘zbekistonlik talabalar uchun mavjud bo‘lgan 5 ta grant dasturi mavjud:

Talabalar uchun dasturlar

【Bakalavr talabalar grantlari】

Talablar	・17 yoshdan katta 25 yoshdan kichik ・Yuqori maktabni tamomlagan
Yo‘nalishlar	Bakalavr ta’limi(tabiiy va gumanitar fanlar)
Yapon tili o‘rganish muddati	1 yil
Bakalavr ta’lim muddati	4 yil
Grant miqdori	Har oy 117,000 yen 5 yil davomida（Bir yil yapon tili ta’lim muddati ham kiritilgan）
Imtihon fanlari (Elchixona tavsiyasi)	Yapon tili, ingliz tili, matematika, tabiiy fanlar（※tabiiy fanlar yo‘nalishi uchun kimyo va fizika yoki biologiya fanlaridan ikkitasi tanlanadi）

【Yapon tili va madaniyati bo‘yicha o‘qiyotgan talaba】

Talablari	・18 yoshdan katta, 30 yoshdan kichik bo‘lish. ・Yaponiyaga kelgan va qaytgan paytda chet el universitetining bakalavr bosqichida o‘qiyotgan va Yapon tili yoki Yapon madaniyati bo‘yicha ixtisoslashgan talabalar.
Yo‘nalishlar	Yapon tili, Yaponiya madaniyati va Yaponiya haqidagi bilimlar
Ta’lim muddati	1 yil
Grant miqdori	Har oy 117,000 yen
Imtihon fanlari (Elchixona tavsiyasi)	Yapon tili

【Tadqiqotchi talaba】

Talablari	・35 yoshdan kichik ・Universitet bitiruvchisi yoki unga tenglashtirilgan bilim darajasiga ega bo‘lish.
Yo‘nalishlar	Yapon tili universitetida tadqiqot olib borgan soha yoki shunga o‘xshash sohalar (ingliz tilida ham bo‘lishi mumkin).
Yapon tili ta’lim muddati	6 oy（zarurat bo‘lganda）
Ta’lim muddati	Magistratura：2 yil Doktorantura：3 yil
Grant miqdori	Tadqiqotchi ：143,000 yen Magistratura：144,000 yen Doktorantura：145,000 yen
Imtihon fanlari (Elchixona tavsiyasi)	Yapon tili, Ingliz tili

Ishchi va xodimlar uchun dasturlar

【Yosh liderlar uchun dasturlar】

Talablar	・40 yoshdan kichik bo‘lishi ・Universitetni yuqori baholar bilan tamomlagan bo‘lishi ・Davlat muassasalarida kamida 3 yoki 5 yillik ish tajribasiga ega bo‘lish. ・TOEFL-CBT 213 ball yoki shunga teng ingliz tili darajasiga ega bo‘lish.
Yo‘nalishlar	Davlat boshqaruvi, mahalliy boshqaruv, sog‘liqni saqlash boshqaruvi (barchasi ingliz tilida).
Ta’lim muddati	1 yil（magistratura）
Grant miqdori	Har oy 242,000yen

【O‘qituvchilikka tayyorlov bo‘yicha o‘qish】

Talablar	・35 yoshdan kichik ・Universitet yoki o‘qituvchilar tayyorlash maktabini bitirgan bo‘lish. ・Boshlang‘ich yoki o‘rta maktablarda ishlayotgan xodim yoki o‘qituvchilar tayyorlash maktabida kamida 5 yil ishlagan o‘qituvchi.
Yo‘nalishlar	Maktab ta'limi bo‘yicha tadqiqotlar (maktab boshqaruvi, dars berish metodikasi va boshqalar)
Yapon tili ta’limi	6 oy（zarur bo‘lganda）
Ta’lim muddati	1 yil 6 oy
Grant miqdori	Har oy 143,000 yen

3. Ta'lim, Madaniyat, Sport, Fan va Texnologiyalar Vazirligi (MEXT) grantlariga ariza berish usullari

Elchixona Tavsiyasi:

O‘zbekistondagi Yaponiyaning elchixonasi tomonidan tanlov (hujjatlarni tekshirish, yozma imtihon va suhbat) o‘tkaziladi. Elchixona tanlagan nomzodlarni MEXTga tavsiya qiladi va yakuniy qarorni MEXT qabul qiladi. Elchixona tavsiyasi bo‘yicha batafsil jarayon va hujjatlar haqida ma'lumot olish uchun elchixonaning veb-saytini (O‘zbekistondagi Yaponiyaning elchixonasi) ko‘rib chiqing.

Universitet Tavsiyasi:

Yapon universitetlari o‘rtasidagi hamkorlik shartnomalari orqali talabalarni tanlab, Ta'lim vazirligiga tavsiya qilish usuli. Bu usul tadqiqotchi talabalar, bakalavr talabalar va Yapon tili va madaniyati bo‘yicha o‘qiyotgan talabalar uchun mo‘ljallangan. Faqat Yapon universitetlari bilan shartnoma tuzgan O‘zbekiston universitetlarida tahsil olayotgan talabalar ariza topshirishlari mumkin. Masalan, Toshkent davlat yuridik universiteti Nagoya universiteti bilan shartnoma tuzgan, shuning uchun Toshkent davlat yuridik universitetining talabalari Nagoya universitetining huquqshunoslik magistratura kursiga (ingliz tilida) universitet tavsiyasi orqali ariza topshirishlari mumkin. Siz tahsil olayotgan universitetda bunday tavsiyanoma bor-yo‘qligini tekshirib ko‘ring.

4. Xulosa

Har yili ko‘plab odamlar davlat grantlari uchun ariza topshiradi. “Tadqiqotchi talabalar” yoki “Yapon tili va madaniyati bo‘yicha o‘qiyotgan talabalar” dasturlariga qabul qilinish uchun yapon tili imtihonida yaxshi natijalar olish va yaxshi tadqiqot rejasi yozish kerak. Men Toshkent davlat yuridik universitetida joylashgan Nagoya universiteti “Yapon huquqini tadqiq qilish markazi” talabalariga dars berganman. Tajribamdan ma’lumki, ko‘plab talabalar tur xil tanlovlarga tayyorgarlik va ariza topshirishni oxirgi muddatga qoldirganlar. Ammo, yaxshi tayyorgarliksiz imtihonlardan muvaffaqiyatli o‘tish qiyin. Yaponiyada o‘qish uchun, shuningdek, o‘qishdan keyingi o‘rgangan bilimlaringiz samarali bo‘lishi uchun, oldindan rejalashtirish va tayyorgarlik ko‘rishni qat’iy tavsiya qilaman.

Izoh qoldiring

Mavzuga oid

Rasmiy sahifalarimiz